کیا وقت کہ قربت سے ہے ہر شخص گریزاں
آ تجھ کو لگالوں میں گلے ائے غمِ دوراں
رکتا نہیں سیلابِ بلا اب سرِ مژگاں
رسوا کہیں ہو جائے نہ یہ دیدۂ گریاں
عشّاق پر جو سایہ فگن تھی کبھی پہلے
شانوں کو ترستی ہے وہی زلفِ پریشاں
میں کب سے کھڑا منتظرِ بخیہ گری ہوں
آجاؤ کہ سِل جائے مِرا چاکِ گریباں
بڑھتے ہی رہے راہ ِ رواں جانبِ منزل
حالانکہ ہوا گرم تھی اور تندئِ طوفاں
ہے شکرِ خدا خامہ و قرطاس کو میرے
گھر میں ہی ملا گوشۂ تنہائیِ زنداں
وہ طوق و سلاسل کی ہو یا دار و رسن کی
راشد ہوں میں ہر قید سے گزروں گا غزلخواں
راشد حسین راشد