گر محّبت میں کچھ جنوں ہوتا
حال دل کا بہت زبوں ہوتا
بن کے اک جھیل عمر بھر بہتی
آنکھ کا رنگ نیل گوں ہوتا
سوچتی ہوں کہ عشق تم سے مجھے
ہو بھی جاتا اگر تو کیوں ہوتا
کیسی وحشت میں اور کتنی بار
کس کے قدموں پہ سر نگوں ہوتا
بات کرنے سے حل ہوا ورنہ
مسئلہ اب بھی جوں کا توں کا ہوتا
یہ تو اچھا ہے چھوڑ دی بستی
ورنہ سر پر سوار خوں ہوتا
سلسلہ مختصر تھا فرقت کا
وہ مرے حافظے میں کیوں ہوتا
کاش سیما سے بات کر لیتے
کاش دل اپنا پُر سکوں ہوتا
عشرت معین سیما