گلے نہ ھم کو لگائیں، وہ اتنے شاطر ھیں

Galay na Ham ko lagaieen wo itny Shatir Hain

غزل

گلے نہ ھم کو لگائیں، وہ اتنے شاطر ھیں
نظر سے پیاس بجھائیں، وہ اتنے شاطر ھیں

کہیں نہ پُوچھ لیں ھم، ھِجر کیا ھے، یہ اُن سے
نظر نہ ھم سے مِلائیں، وہ اتنے شاطر ھیں

چھلک پڑیں، نہ گُہر ھائے آبدار کہیں
نظر نہ ھم سے ملائیں، وہ اتنے شاطر ھیں

سوال کرتے ھیں، لب ھائے چشم و ابرُو سے
نظر کے تِیر چلائیں، وہ اتنے شاطر ھیں

نہ شکوہ لب پہ، نہ آہ و فُغاں، بہ یک جُنبش
نظر سے اپنی گِرائیں، وہ اتنے شاطر ھیں

بلائیں دُور بھگانے کو، خُود وہ لیتے ھیں
نظر سے اپنی بلائیں، وہ اتنے شاطر ھیں

لگائیں ھاتھ نہ جام و سُبو، کہ موچ آئے
نظر سے اپنی پِلائیں، وہ اتنے شاطر ھیں

نگاہ بھر کے جو دیکھا، تُرنت بولے، جناب
نظر نہ ھم کو لگائیں، وہ اتنے شاطر ھیں

سوال وصل پہ، مُسکان بھر کے چہرے پر
نظر، نظر سے چُرائیں، وہ اتنے شاطر ھیں

نظر فاطمی

Nazar Fatmi