گہری اداسیوں کو مٹایا ہے فون پر

Gehri Udasioo ko Mitaya Hay Fone per

غزل

گہری اداسیوں کو مٹایا ہے فون پر
اس نے مجھے گلے سے لگایا ہے فون پر

اک دوسرے کو ہم نے خفا رُوبرو کیا
اک دوسرے کو ہم نے منایا ہے فون پر

شب روٹیاں پکاتے ہوئے ہاتھ جل گیا
میں رو پڑا جب اس نے بتایا ہے فون پر

کہتے ہی "ہیلو” دیر تلک ہانپنے لگا
پاگل کہیں کا دوڑتا آیا ہے فون پر

سرحد نے درمیان فزوں عشق کر دیا
دُوری نے چار چاند لگایا ہے فون پر

(شاہ فہد)

Shah Fahad