ہوں برگِ سبز نہ کر شاخ سے جدا مجھ کو

Hoon Barg e sabz no kar shaakh say juda Mujh ko

غزل

ہوں برگِ سبز نہ کر شاخ سے جدا مجھ کو
نئی رتوں کے مناظر ابھی دکھا مجھ کو

اب انتظار کی بیساکھیاں بھی ٹوٹ گئیں
میں گر نہ جاؤںخدا کے لئے بچا مجھ کو

چہار سمت ببولوں کاہے گھنا جنگل
حیات کھینچ رہی ہے برہنہ پا مجھ کو

خود آہی جائےگا میری صداقتوں کا یقیں
لبِ فرات پھر اک بار آزما مجھ کو

مقدرات اٹل ہیں تو حکم واپس لے
جہاں سے پھینکا تھا واپس وہیں بلا مجھ کو

لبوں پہ رکھتے ہی سنبل مسرتوں کے دئے
اداسیوں کا سمندر ڈبو گیا مجھ کو

صبیحہ سنبل

Sabiha Sunbal