غزل
یاد آئی وہ زلف پریشاں
کٹ جائے گی اب شب ہجراں
میرے بعد اے جلوۂ جاناں
کون کرے گا دعوت مژگاں
تیرا گلہ کیا گیسوئے جاناں
میں بھی پریشاں تو بھی پریشاں
کس نے دیکھا زخم گلوں کا
کرتے رہے سب سیر گلستاں
دیکھ قفس میں آگ لگی ہے
ابر بہاراں ابر بہاراں
اپنی جفا پر اپنی وفا پر
وہ بھی پشیماں ہم بھی پشیماں
ایک جگر کے داغ سے روشن
تیرا شبستاں میرا شبستاں
مر کر جینا تو نے سکھایا
اے غم جاناں اے غم جاناں
وفا ملک