یوں تنہا جلنے پہ بھی دل دھواں نہیں ہوتا

غزل

یوں تنہا جلنے پہ بھی دل دھواں نہیں ہوتا
کسی چراغ کا اپنا مکاں نہیں ہوتا

شدید کرب کی گھڑیاں گزار دیں لیکن
جو غم تھا میرا وہ مجھ سے بیاں نہیں ہوتا

خیال دیر سے آیا، تو اس قدر آیا
کہ عشق سے ہی فقط دل جواں نہیں ہوتا

ترے مزاج کے بَخیَے ادھیڑ ڈالے گا
مرے وجود میں اب غم رواں نہیں ہوتا

خیالِ یار ندارد عروجِ بخت تمام
شکستہ ذہن میں کون و مکاں نہیں ہوتا

سفید رنگ نے سارے ہی رنگ نوچ لیے
کہ رنگیں آنکھ سے منظر جواں نہیں ہوتا

ارم کے خواب جنازے سپردِ خاک کرو
کہ میتوں پہ تو حکمِ اذاں نہیں ہوتا

ارم ایوب