یہ تخیل عمر بھر سویا رہا تو غم نہیں

Yeh Takhyal umr bhar sooya raha to gham nahi

غزل

یہ تخیل عمر بھر سویا رہا تو غم نہیں
ہجرتوں کی کلفتوں کو سہہ لیا تو غم نہیں

زندگی کے راستوں میں بھیڑ تھی احباب کی
سب نے میرے ظرف کو دھوکا دیا تو غم نہیں

طوق اس کی چاہتوں کے شوق سے پہنے مگر
وہ ھنسا تو رو دیا دل جگ ھنسا تو غم نہیں

آج اس کے غم کے موتی آنکھ سے برسے مگر
چہرہ چہرہ درد کا دریا بہا تو غم نہیں

بجلیاں جاں کے نشیمن پر گریں اب شوق سے
جو جہانِ آرزو تھا وہ لٹا تو غم نہیں

عشق میں یوں کب ہوا تھا موسمِ گل یار میں
دفعتََا کچھ پتھروں کا دل دکھا توغم نہیں

میں نے ساربؔ آسماں پہ اک ستارے کو سنا
کہہ رہا تھا وہ اچانک بجھ گیا تو غم نہیں

رشید سارب

Rasheed Sarib