ﻣﯿﺎﻥِﻻﻟﮧ ﻭ ﮔﻞ ﺳﺮﺥ ﺭﻭ ﻋﻼﺣﺪﮦ ہے
ﮨﺠﻮﻡ_ ﺳﺮﻭ ﻗﺪﺍﮞ ﻣﯿﮟ ﺑﮭﯽ ﺗﻮ ﻋﻼﺣﺪﮦ ﮨﮯ
ﺑﺒﺎﺭﮔﺎﮦ_ ﺷﮩﺎﮞ ﺍﻭﺭ ﮨﮯ ﻟﺐ ﻭ ﻟﮩﺠﮧ
ﺑﺒﺰﻡ_ ﻧﻮﺣﮧ ﮔﺮﺍﮞ ﮔﻔﺘﮕﻮ ﻋﻼﺣﺪﮦ ﮨﮯ
ﮨﮯ ﺩﯾﺪﻧﯽ ﯾﮧ ﺩﻭ ﺁﺑﮧ، ﻳﮧ ﮔﺮﺩﺵِ ﺳﻴّﺎل
ﺑﺪﻥ ﻣﯿﮟ ﺯﮨﺮ ﺭﻭﺍﮞ ﮨﮯ ﻟﮩﻮ ﻋﻼﺣﺪﮦ ﮨﮯ
ﮨﻤﺎﺭﯼ ﺍﻭﺭ ﻃﺮﯾﻘﺖ ﮨﮯ ﻣﮯ ﮐﺸﯽ ﮐﯽ ﻣﯿﺎﮞ
ﮨﻤﺎﺭﺍ ﺳﺎﻗﯽ ﻭ ﺟﺎﻡ ﻭ ﺳﺒﻮ ﻋﻼﺣﺪﮦ ﮨﮯ
ﻟﺒﺎﺱ_ ﺭﻭﺡ ﮐﻮ ﭘﯿﻮﻧﺪ ﮐﺮﺗﮯ ﺭﮨﺘﮯ ﮨﯿﮟ
ﻭﮦ ﺧﺴﺘﮕﯽ ﮨﮯ ﺭﻓﻮ ﭘﺮ ﺭﻓﻮ ﻋﻼﺣﺪﮦ ﮨﮯ
ﺟﻮ ﺗﯿﻎ_ ﻭﻗﺖ ﺳﮯ ﺭﮐﮭﺘﺎ ﮨﻮﮞ ﺧﻮﻥ ﮐﺎ ﺭﺷﺘﮧ
ﺗﻮ ﺧﺎﻧﺪﺍﻥ ﻣﻴﮟ ﻣﯿﺮﺍ ﻟﮩﻮ ﻋﻼﺣﺪﮦ ﮨﮯ
ﺗﺠﮭﮯ ﺗﻼﺵ ﺑﮭﯽ ﮐﺮﺗﮯ ﮨﯿﮟ، ﭘﻮﺟﺘﮯ ﺑﮭﯽ ﮨﯿﮟ
ﮐﮧ ﺟﺴﺘﺠﻮ ﺳﮯ ﺗﺮﯼ ﺁﺭﺯﻭ ﻋﻼﺣﺪﮦ ﮨﮯ
ﻣﯿﮟ ﺷﺶ ﺟﮩﺎﺕ ﻣﯿﮟ ﭼﻠﺘﺎ ﮨﻮﮞ ﺍﻭﺭ ﻭﺣﯿﺪ ﺍﺣﻤﺪ
ﯾﮧ ﮐﺎﺋﻨﺎﺕ ﻣﺮﮮ ﭼﺎﺭ ﺳﻮ ﻋﻼحدہﮨﮯ
ڈاکٹر وحید احمد