loader image

MOJ E SUKHAN

اردو شعراء

05/08/2025 00:27

جنوں کو رخت کیا خاک کو لبادہ کیا – Jino ko rakht kiya khak ko libada kia

جنوں کو رخت کیا خاک کو لبادہ کیا
میں دشت دشت بھٹکنے کا جب ارادہ کیا

میں ناصحان کی سنتا ہوں اور ٹالتا ہوں
سو قرب حسن چھٹا اور نہ ترک بادہ کیا

مہکتے پھول ستارے دمکتا چاند دھنک
ترے جمال سے کتنوں نے استفادہ کیا

ہزار رنگ میں جلوہ نما تھا حسن و جمال
دل اور شوخ ہوا اس کو جتنا سادہ کیا

وہ دے رہا تھا طلب سے سوا سبھی کو خیالؔ
سو میں نے دامن دل اور کچھ کشادہ کیا

احمد خیال

Email
Facebook
WhatsApp

مزید شاعری

رباعیات

غزلیات
نظم