نیند کی اوٹ سے ۔۔۔۔۔۔ پکارا مجھے
اُس نے پھر خواب میں اتارا مجھے
اُس کی آنکھوں میں ۔۔۔ ایک دریاتھا
آُس نے دریا سے پھر گزارا مجھے
یاد رکھے گی ۔۔۔۔۔۔۔ ایک اک پل کو
رات نے ۔۔۔۔ کس طرح گذارا مجھے
ایک چشمہ وہاں سے ۔۔۔۔۔ جاری ہوا
اُس پری نے ۔۔۔۔۔ جہاں اتارا مجھے
دو کنارے تو تھے ہی ۔۔۔۔۔ دریا کے
وہ ہوا ۔۔۔۔۔۔۔ تیسرا کنارا مجھے
رات کا ہم سفر۔۔۔۔۔۔ نہ تھا کوئی
ایک جگنو کا تھا ۔۔۔۔۔۔۔ اشارا مجھے
جنگ جاری تھی ۔۔ آنکھ اور دل کی
اور بلاتا رہا ۔۔۔۔۔۔۔۔۔ نظارا مجھے
میں نے ہر بار ۔۔۔۔۔۔ اُس کو جیتا ہے
اور ہر بار ۔۔۔۔۔۔۔اس نے ہارا مجھے
رات کا ۔۔۔۔۔۔۔۔۔۔۔۔۔۔ آخری ستارا بھی
رائیگانی کا تھا ۔۔۔۔۔۔۔۔۔۔ اشارامجھے
میں نے اس کا بھی ۔۔۔۔۔۔ ٹوٹنا دیکھا
توڑ جاتا تھا ۔۔۔۔۔۔۔۔۔ جو ستارا مجھے
بیچ دیتی تھی رات ۔۔۔۔ میرے خواب
پھر بھی ہوتا نہ تھا ۔ خسا را مجھے
آگ دل کی ۔۔۔۔۔۔۔۔ رقم کروں کیسے
یہ قلم بھی ہوا ۔۔۔۔۔۔۔۔۔۔ شرارا مجھے
جاوید احمد