بتاؤ مرے پاس آنے سے پہلے

Bataoo mry pass aanay say pehlay

غزل

بتاؤ مرے پاس آنے سے پہلے
مِلے کیوں فلانے فلانے سے پہلے

گریبان اپنا بھی تم دیکھ لینا
کسی پر بھی تہمت لگانے سے پہلے

نظر اپنی بدنامیوں پر بھی رکھنا
لبوں پر مرا نام لانے سے پہلے

نہ سوچا ہو تم نے تو پھر سوچ لینا
کہ یاد آئیں گے ہم بُھلانے سے پہلے

چراغوں کو دیکھا نہیں تم نے شاید
جلانے کے بعد اور بجھانے سے پہلے

کم از کم یہ وعدہ کرو جب مِلوگے
نہ شرماؤگے شرم آنے سے پہلے

تمہیں یاد کرتا عدیل آج لیکن
تُمہی آ گئے یاد آنے سے پہلے

اسرار عدیل نور پوری

Israr Adeel Noor puri