علم بدیع بلاغت کا ایک اہم حصہ ہے اِس کو علم معنی بھی کہتے ہیں …… اِس علم میں کلام میں استعمال ہونے والی صنعتوں کا مطالعہ کیا جاتا ہے……شاعری میں ایسے اظہار اور اسلوب بیان کا اہتمام کرنا جو محض ادائے مطلب کے لئے ضروری نہیں بلکہ مزید حسن و لطافت اور معنی پیدا کرے صنعت کہلاتا ہے……

 علم بدیع اصطلاح میں اْس علم کو کہتے ہیں جس میں کلام کی خوبیاں معلوم ہوں ……لیکن تمام صنائع بدائع لفظی و معنوی کے زیور کلام ہونے میں شک نہیں اگر بے محل نہ ہو اور حد اعتدال سے متجاوز نہ ہو……صنعت کے بے محل استعمال ہونے یا کہی ہوئی صنعت کے بار بار دہرانے سے سامعین کو تنفر پیدا ہوتا ہے……وہ جانتے ہیں کہ صنعت بڑی چیز ہے اور اِس مقام پر تنفر نفس صنعت نہیں بلکہ شاعر کی بے سلیقی منشائے نفرت ہے……جو لوگ اِن دونوں باتوں میں امتیاز نہیں کرتے وہ نفس صنعت کو برا کہنے لگتے ہیں ……صناع و بدائع کو اگر لفظوں کا کھیل سمجھ کر ترک کیا جائے تو وزن و قافیہ سے بھی دستبردار ہونا چاہیے وہ بھی لفظوں کا ہی کھیل ہے……

آج کل مزاح نگاری میں حیدر حسنین جلیسی جس انداز میں حروف سے کھیل رہے ہیں وہ ایک الگ صنعت ہے اِس صنعت کو ادبی دنیا میں نام کی ضرورت ہے حیدر حسنین جلیسی نے جس صنعت کو متعارف کرایا ہے وہ اپنی مثال آپ ہے…… حیدر حسنین جلیسی نے یکساں حروف کو توڑ مروڑ کر اْن ہی حروف سے وہ لفظ بناکر اشعار میں برتے ہیں جن سے شعر کے معنی اور جاذبیت یکسر تبدیل ہو کر رہ گئی…… حیدر حسین جلیسی نے صنف مزاح میں شاعری کو میرے مطابق سانسیں عطا کردیں ہیں ……چند قطعات مثال کے طور پر پیش کر رہا ہوں جس میں الگ الگ فن کاری موجود ہے…… یعنی لفظ کو پلٹنے سے کیا لفظ وجود میں آرہا ہے…… حرف میں ایک لفظ شامل کرنے سے اْس لفظ کے معنی کس طرح بدل رہے ہیں اور لفظ کو توڑنے سے اْس لفظ کے معنیٰ کس طرح تبدیل ہو رہے ہیں ……یہ صرف لفظ توڑنے یا گھمانے یا جوڑنے کا کھیل نہیں بلکہ اِس میں قطع اپنی پوری معنوی حیثیت کے ساتھ اعلان کر رہا ہے کہ ادھر دیکھو میں بھی ہوں ……میرے نزدیک حیدر حسین جلیسی کی متعارف کردہ یہ صنعت قابلِ تقلید بھی ہے اور سامعین کے لیے اِس صورتحال میں جب مزاح نگاروں کے پاس مضامین کی قلت ہے اور وہ اْن ہی روایتی گھسے پٹے مضامیں کو پیٹ رہے ہیں حیدر حسنین جلیسی کی متعارف کرائی گئی یہ صنعت خزاں میں بہار کا جھونکا ہے……مگر چند کتابوں میں ہلکا سا اشارہ ملا ہے جس کا ذکر کرنا ضروری ہے تاکہ حیدر حسنین جلیسی کی ان کاوشات کو عروضی اعتبار دلایا جا سکے۔

میری نظر سے صنعت قلب کا گزر ہوا……جس میں بتایا گیا کہ انسان کو انسان اِس لیے کہتے ہیں کہ وہ جلد مانوس ہو جاتا ہے اور قلب کو قلب اِس لیے کہتے ہیں کہ یہ ادلتا بدلتا رہتا ہے…… قلب کے لغوی معنی بدلنا کے ہیں ……انقلاب لفظ اِسی لفظ کی جمع ہے۔

اگر کسی لفظ کو اْلٹنے سے وہی لفظ دوبارہ بن جائے تو اْسے صنعتِ قلب کہتے ہیں ……اِسی طرح اگر لفظ کے حروف ادل بدل کر سارے کے سارے دوسرے میں آجائیں تو یہ سب تقلیب کی صورتیں ہیں۔

دنیا میں ہے خزانہ لڑائی کا گھر صدا

از رو غور گنج کو اْلٹو تو جنگ ہے

میرے نزدیک مگر اِس صنف کی یہ مثالیں ناکافی ہیں اِس صنف میں وسعت حاصل کرنے اور پھلنے پھولنے کی کافی صلاحیت موجود ہے جسے حیدر جلیسی نے بہت عمدہ انداز میں قطعات کی صورت دنیائے اردو پر آشکار کیا…… اِس سلسلے میں دیکھتے ہیں کہ حیدر حسنین جلیسی نے کس انداز سے حروف سے نئے حروف تشکیل دئیے۔میری نظر میں موجودہ دور میں حیدر جلیسی حرف شناس کہلانے کے حق دار ہیں اور اِس صنعت کی جیتی جاگتی تصویر ہے……آئیے دیکھتے ہیں

مثال نمبر 1

ترازو……