ماں محبت کی اک کتاب ہے تو
اولیں میرا انتخاب ہے تو
جس کے دم سے مہک ہے سانسوں میں
شاخِ دل پر کھلا گلاب ہے تو
سچ تو یہ ہے کے ماں حقیقت میں
ہر کہانی کا انتساب ہے تو
تجھ کو معلوم ہے ناں ماں میری
ہر سوالوں کا بس جواب ہے تو
ہار سکتی نہیں کسی صورت
جب تلک مجھ کو دستیاب ہے تو
تو حقیقت میں میری جنت ہے
ماں عقیدت کا ایک باب ہے تو
ماں مرے دل کے آسمانوں کا
اک منور سا ماہتاب ہے تو
جس کی تعبیر ہے مری ہستی
میری آنکھوں کا وہ ہی خواب ہے تو
دے گئی ہے تو مجھ کو عکسِ شمیم
ماں زمانے میں لاجواب ہے تو
شمیم چودھری