امید کیا، قرار کیا
کسی کا اعتبار کیا
خزاں سے کون پوچھتا
گزر گئی بہار کیا
جو زندگی نہیں رہی
تو صبر و انتظار کیا
سراپا اضطرار ہوں
ثبوتِ اضطرار کیا
مجھے یہ زخم پھول ہیں
مری خزاں، بہار کیا
تُو کھائے تو پتہ چلے
ہے زندگی کی مار کیا
دھواں دھواں ہے آسماں
کوئی ہے دل فگار کیا
مری ضرورتیں الگ
مری طلب ہے پیار کیا؟
جو کھیل ہی بگڑ گیا
تو جیت کیا ہے ہار کیا
کہ جامِ غم کا پوچھو ہو
پئے بنا خمار کیا
شائستہ سحر