فصلِ غمِ بہار کا سودا نہیں کیا
اس چشمِ اشکبار کا سودا نہیں کیا
مجنوں بنے تو چاک گریباں کیا قبول
دامانِ تار تار کا سودا نہیں کیا
رنگینیوں کے شہر میں آ کر بھی دوستو
خوابوں کے ریگزار کا سودا نہیں کیا
قدموں میں کیا سےکیا نہیں رکھاگیا مگر
ہم نے تمہارے پیار کا سودا نہیں کیا
آنکھوں میں کاٹ لی ہےشبِ زیست آخرش
اک پل کے انتظار کا سودا نہیں کیا
دشمن بنا لیا ہے جہاں کو مگر امین
یاروں کے اعتبار کا سودا نہیں کیا
امین اڈیرائی