ترا جمــــال ترا خــد و خــال جو بهی ہو

Tra Jamaal Tra Khad o Khaal Jo bhi Ho

غزل

ترا جمــــال ترا خــد و خــال جو بهی ہو
محبتـــوں مـیں اذانِ بلال جـــو بهی ہو

کریں گے سجدہ ء شکراں ادا عقیدت سے
اب اس لگن.میں سرے بزم حال جو بهی ہو

بروزِ حــــشر ســـزا و جزا بهی دیکهیں گے
ابهی تو دل سے بهلا تو مــــلال جو بهی ہو

جو ہم پہ گزرے گی لکهیں گے حرف حرف اسے
وفــــا جفـا تری چـــــاہت کمال جو بهی ہو

بس ایک بار قــدم سے قـــدم مـــلا تو سہی
پهر اس کے بعد زمانے کی چال جو بهی ہو

زرا سی سانس تو لے لیں سکون و راحت کی
جواب دیں گے تمہـــارا سوال جــــو بهی ہو

لہو اگلتی ہے چپ چــــاپ یہ زمیں سچ ہے
زمیں کے سینے پہ قتل و قتال جو بهی ہو

یہ میرا دل ہے یہاں ایک سے ہی موسم ہیں
نہیں ہے فکر مجهے ماہ و ســال جو بهی ہو

نہ رک سکیں گے کبهی زندگی ترے باسی
سزائے عشق میں تلووں کا حال جو بهی ہو

رہے گی اپنے نظریے پــــہ ہی تری شـــــاہین
اے دل اے جـــان مری تیرا حال جو بهی ہو

شاہین مغل

Shaheen Mughal