ساون رُتوں میں دامنِ تر کچھ نہ پوچھیے
ہم سے وہ بارشوں کا سفر کچھ نہ پوچھیے
الفت کے راستوں پہ لیے بارِ زندگی
کٹتا ہے کس طرح سے سفر کچھ نہ پوچھیے
کاٹا گیا تھا حس گھڑی آنگن سے پیڑ کو
روئے تھے کیسے برگ و ثمر کچھ نہ پوچھیے
وہ دوستوں میں ہے یا مرگ دشمنوں میں ہے
لوٹا ہے کس نے دل کا نگر کچھ نہ پوچھیے
پتھر دلوں سے دوستی کا کیا صلہ ملا
ہم اور ہمارے شیشے کا گھر کچھ نہ پوچھیے
صحرا تھا, خاموشی تھی, ہوا سرد اور مَیں
اُس پر سیاہ رات کا ڈر کچھ نہ پوچھیے
اوقات صبح شام تَو کٹ جاتے ہیں مگر
لمحاتِ کربِ شب تا سحر کچھ نہ پوچھیے
ظہیرالدین شمس