عشق میں جو فنا نہیں ہوتا

Ishq Main jo Fana Nahi Hota

غزل

عشق میں جو فنا نہیں ہوتا
اسکو کچھ بھی عطا نہیں ہوتا

ذات باری بڑی مقدم ہے
کون اس پر فدا نہیں ہوتا

دن کی مصروفیت یہ کہتی ہے
فرض باری ادا نہیں ہوتا

کس کو دکھ درد میں سناتی اگر
ساتھ تیرا خدا نہیں ہوتا

قرب مل جائے اسکی ہستی کا
ورنہ دنیا میں کیا نہیں ہوتا

جو خدا کی رضا سے واقف ہو
اس زباں پر گلہ نہیں ہوتا

خود کو تسخیر میں بھی کر لیتی
وہ جو انجم خفا نہیں ہوتا

شہناز انجم

Shahnaz Anjum