کام آنا، زندگی
دکھ بٹانا، زندگی
مانتے ہیں ہم، کہ ہے
مسکرانا، زندگی
دل لگایا، بن گئی
اک فسانہ، زندگی
جمع کرتے رہ گئے
دانہ دانہ زندگی
بے بسی، بے چارگی
مت دکھانا، زندگی
ہے کسی کے واسطے
تازیانہ زندگی
اور کسی کے واسطے
جیل خانہ زندگی
ایک پل ہے، اور کہیں
اِک زمانہ زندگی
موت کا ہے انتظار
اِک بہانہ، زندگی
ہو سکے، کیجے بسر
عاجزانہ، زندگی
حرج کیا ہے، ہو اگر
شاعرانہ، زندگی
جُز تِرے ہوگی بسر
مشرکانہ زندگی
گزری ہے اپنی صدف
صوفیانہ، زندگی
صدف بنتِ اظہار