سید اعجاز الدین پاپولر میرٹھی کی مزاحیہ شاعری نےملک و بیرون ملک مشاعروں میں فی زمانہ دھوم مچا رکھی ہے، اپنے تخلص کی طرح وہ واقعی بیحد پاپولرؔ شاعر ہیں۔ پاپولرؔ 9 اگست 1956 کو میرٹھ کے ایک علم دوست خاندان میں پیدا ہوئے۔ ہندوستان کے سینکڑوں مقامات پر ہونے والے بڑے بڑے مشاعروں کے علاوہ آپ پاکستان، سعودی عرب، متحدہ عرب امارات اور امریکہ میں ہونے والے شعری اجتماعات میں قہقہوں کی بارش کر چکے ہیں ’’ہنس کر گزار دے‘‘ اور ’’ڈبل رول‘‘ ان کے مزاحیہ شاعری کے مجموعے شائع ہوچکے ہیں۔