مرزا جعفر علی خان المعروف اثر لکھنوی (پیدائش :12 جولائی 1885ء – وفات:6 جون 1967ء) اردو شاعر، عالی نقاد، عالم، ادیب، مترجم تھے جو لکھنؤ میں پیدا ہوئے۔ 1906ء میں کیننگ کالج لکھنؤ سے بی اے کیا۔ 1909ء میں صوبہ جات متحدہ میں ڈپٹی کلکٹر مقرر ہوئے۔ 1936ء میں خان بہادر اور 1939ء میں ایم بی ای کے خطابات ملے۔ 1940ء میں ریٹائر ہو گئے اور ریاست جموں کشمیر کے ہوم منسٹر اور وزیرتعلیم عہدوں پر فائز رہے۔ قیام پاکستان کے وقت تک آپ کا تعلق کشمیر سے رہا۔ پہلا مجموعہ کلام اثرستان 1934ء میں شائع ہوا۔ اور دوسرا بہاراں 1935ء میں۔ رنگ بسنت اور لالہ و گل اس زمانے میں شائع ہوئے جب آپ ریاست کشمیر میں وزیر تھے۔ ملازمت سے سبکدوش ہونے کے بعد اردو میں ایک لغت مرتب کی جس پر حکومت ہند کی طرف سے انعام ملا۔

انھوں نے مرزا محمد ہادی عزیز لکھنوی سے کلام پر اصلاح لی۔ وہ خود فرماتے ہیں۔