رام ریاض (پیدائش: 13 جنوری 1933- وفات: 7 ستمبر 1990 پاکستان جھنگ سے تعلق رکھنے والے اردو اور پنجابی کے ممتاز شاعر تھے۔حضرت رام ریاض (ریاض احمد شگفتہ) پانی پت برطانوی ہندستان میں پیدا ہوئے۔ ان کا اصل نام ریاض احمد تھا۔ تقسیم ہند کے بعد  پاکستان میں منتقل ہو گئے اور جھنگ میں سکونت اختیار کی۔ آپ کے والد کا نام شیخ نیاز احمد ھے آپ نے 1945ء میں پرائمری کا امتحان محلہ انصاریاں پانی پت کے مدرسہ شاخِ انصاریاں سے پاس کیا ۔ پھر ابھی مڈل کی تعلیم مکمل نہیں ھوئی تھی، تقسیم ہند کے بعد 1948ء کو محلہ گلاب والا ، وارڈ نمبر 5 جھنگ شہر میں پہنچے ۔ مڈل کا امتحان 1950ء میں حالی مسلم ھائی سکول جھنگ سے پاس کیا ۔ میٹرک کا امتحان ایم بی ھائی سکول جھنگ سے بطور ریگولر اسٹوڈنٹ 1953ء میں پاس کیا عالمی شہرت کے حامل نوبل انعام یافتہ سائنسدان عبد السلام بھی اسی ادارے میں زیرِ تعلیم رھے