نام سردار غلام صادق خاں اور تخلص نسیم تھا۔ ۲۴؍ستمبر ۱۹۲۴ء کو ٹیکسلا کے قریب موضع خرم میں آنکھ کھولی۔والد سے فارسی پڑھی۔ بی اے تک تعلیم حاصل کی۔ خاندانی روایت کے مطابق فوج میں بھرتی ہوگئے اور محکمۂ دفاع سے منسلک رہے۔صادق نسیم غزل گو شاعر ہیں۔ فارسی شعروادب کا خاص ذوق رکھتے ہیں۔ ان کی غزلوں کا مجموعۂ ’’ریگ رواں‘‘ کے نام سے شائع ہوگیا ہے۔ ان کی دیگر تصانیف کے نام یہ ہیں:’حرف صادق‘، ’روشنی چراغوں کی‘(شخصی خاکے)، ’انتخاب صادق‘(شعری مجموعہ)، ’خاک مدینہ ونجف‘، ’نعت ومنقبت‘(غیر مطبوعہ)