Aysay Halaat Main Kab koi Sahara Hota
غزل
ایسے حالات میں کب کوئی سہارا ہوتا
ہم جو اپنے نہ ہوئے کون ہمارا ہوتا
ڈوبتی ناو نہ اپنی کبھی منجدھار کے بیچ
فالتو بوجھ اگر پہلے اتارا ہوتا
جاں بھی دے دیتے بہت پہلے تمہاری خاطر
تم نے دل سے جو کبھی ہم کو پکارا ہوتا
دل کی دنیا پہ اگر عشق نہ اترا ہوتا
اس زمانے میں نہ کوئی غم کا مارا ہوتا
تھام کر ہاتھ ترا ہم بھی چلا کرتے کبھی
دنیا والوں کو اگر اتنا گوارا ہوتا
جب بھی ملتے ہمیں زرغونے ہمارے اپنے
ہاتھ میں پھول مگر دل میں شرارا ہوتا
زرغونہ خالد
Zarghoona Khalid