بہار آئے خزاں آئے مگر میں بے خبر سا ہوں

bahaar aayee Khazaan aayee magar main bay khabar sa hoon

غزل

بہار آئے خزاں آئے مگر میں بے خبر سا ہوں
کہیں کنجِ قفس میں بیٹھ کر میں روتا رہتا ہوں

ہزاروں کوششوں کے بعد بھی تم بھول نہ پائے
تمہارے دل کے گوشے میں کہیں خاموش بیٹھا ہوں

تمہاری یاد رہ رہ کر ستاتی ہے مجھے اس دم
میں سب کے درمیاں ہوتے ہوئے جب تنہا ہوتا ہوں

جدائی کی اذیت کا تمہیں اندازہ تو ہوگا
تو پھر کیسے کہوں کہ خیریت ہے اور اچھا ہوں

زمانے کے ستم جو ٹوٹتے حشام ہیں مجھ پر
قصور اتنا ہی میرا ہے کہ میں انسان سچا ہوں

حشام سید

Hasham Syed