جا بہ جا اور کہیں کہیں مجھ میں

جا بہ جا اور کہیں کہیں مجھ میں
تو ھی تو مجھ مِیں، مَیں نہیں مجھ میں

میں ھوں تنہائیوں کا اک جنگل
ھر سُو پرچھائیاں رھیں مُجھ میں

لامکاں اور مکاں سے کیا مطلب
کوئی رھتا ھے جب یہیں مُجھ میں

خود کو خود بھی نظر نہیں آیا
اتنی تاریکیاں رھیں مُجھ میں

– سرِمحفل ، مَیں وہ نہیں رھتا
مجھ سے پھر آ کے مل وھیں، مجھ میں

دل ، جگر ، روح بھی ھیں شکوہ کناں
سب نے ھی سختیاں سہیں مجھ میں

یہ ھے کیسا لباسِ جسم مرا
کھو گیا پھر یہیں کہیں مجھ میں

زندہ یادوں کے مقبرے اب تک
اِیستادہ ھیں ھر کہیں مُجھ میں

پہلے میں بہہ رہا تھا ندیوں میں
پھر یہ ندیاں امـؔر بہیں مجھ میں

امر روحانی