غزل
جو رحم کھاتا نہ تھا بستیاں جلاتے ہوئے
وہ رو پڑا ہے مگر اپنا گھر بچاتے ہوئے
کوئی بتائے یہ اُسکی ہے کیسی ہمدردی
ہمارے آنسو بھی پوچھے تو مسکراتے ہوۓ
وہ کیفیت تھی کہ دل ہی نکال کر رکھ دیں
عجب طرح سے پکارا تھا اس نے جاتے ہوۓ
بہت دنوں سے یہ محسوس ہو رہا ہے مجھے
وہ تھک گیا ہے مرا ساتھ اب نبھاتے ہوئے
حقیقتوں سے و ہ واقف تھا اس لیے شاید
بہت ہی رویا مجھے آئینہ دکھاتے ہوۓ
وہ راہِ راست سے خود ہی بھٹک گیا کیسے
کہ جس کی عمر کٹی راستہ بناتے ہوئے
اب اُنکے نام بھی لیوا نہیں زمانے میں
گزر گئے جو یہاں نیکیاں کماتے ہوئے
خدا کا شکر ہے ثابت قدم رہی نصرت
سبھی نے ساتھ نبھایا تھا آزماتے ہوۓ
نصرت عتیق گورکھپوری