غزل
دل پریشاں شدید ہے اپنا
مسئلہ وہ ہی دید ہے اپنا
اک تعلق ہے اور بھی تجھ سے
تیرا مرشد مرید ہے اپنا
کیا نچائے گا انگلیوں پر دل
یہ بھی جب زر خرید ہے اپنا
قدغنیں توڑ دیں گی دم کیونکہ
فلسفہ ہی جدید ہے اپنا
موت آئے گی منہ کی کھائے گی
اب تخلص شہید ہے اپنا
بھول کر کب بھلا سکے گی ہمیں
نقش دل پر رسید ہے اپنا
شاخ امید سبز ہے یعنی
وقت دو دن مزید ہے اپنا
شبِ منگل ہوئی تھی پیدا وہ
بدھ کا دن روزِ عید ہے اپنا
غم کی شدت میں عشق کے مارو
شعر ہر اک مفید ہے اپنا
ایسا لگتا ہے اب تو موجِ نسیم
دل مثالِ کلید ہے اپنا
نسیم شیخ