دیوار و در پہ رقص ہے بس موت کا یہاں

Deewaar o Dar pa Raqs Hay bus Moot ka yahan

غزل

دیوار و در پہ رقص ہے بس موت کا یہاں
دیوانہ وار چومتے ہیں دار کو جواں

کُھلتا گیا دریچہِ اسرارِ کُن فَکاں
کُھلتا گیا تماشہِ عرفانِ دو جہاں

ساقی یہ ساکنانِ خراباتِ بے نوا
کرتے نہیں ہیں کیو‌ں غمِ انسان پر فغاں

اُترا وجود میرا تَیقّن کے چاک سے
اُڑتی پھری ہے خاک سرِ دشتِ بے اماں

یہ کون بار ہا مرے در سے پلٹ گیا
دہلیز پر پڑی ہے مری کس کی داستاں

حامیؔ یہ آج پنڈت و مُلّا کو کیا ہوا
مسجد میں آرتی ہے تو مندر میں ہے اذاں

حمزہ حامیؔ

Hamza Haami