سفر اداس بہت ہی اداس لگتا ہے

سفر اداس بہت ہی اداس لگتا ہے
نگر اداس بہت ہی اداس لگتا ہے

تمہارے بعد کہیں پر بھی دل نہیں لگتا
یہ گھر اداس بہت ہی اداس لگتا ہے

عجیب شخص ہے کہتا تو کچھ نہیں ہے ہمیں
مگر اداس بہت ہی اداس لگتا ہے

کیوں اس جہان میں یہ رونقیں سجا کر بھی
بشر اداس بہت ہی اداس لگتا ہے

بس ایک شخص کے جانے سے کیوں بھلا ہم کو
نگر اداس بہت ہی اداس لگتا ہے

تو تم ہی اس کی اداسی کو دور کردو نا
وہ گر اداس بہت ہی اداس لگتا ہے

کرن ضرور زمانے نے چھین لی ہوگی
قمر اداس بہت ہی اداس لگتا ہے

کرن رباب