loader image

MOJ E SUKHAN

اردو شعراء

06/08/2025 20:52

غیر لگتا رہا سگا بھی کچھ

غیر لگتا رہا سگا بھی کچھ
کوئی اپنا مگر ہوا بھی کچھ

اے مرے دل میں عمر بھر تیری
صرف سنتا رہا کہا بھی کچھ

انکساری ادب محبت بھی
مجھ میں سب ہے تو ہے انا بھی کچھ

اپنی تقدیر کے لکھے کو سب
بس مٹاتے رہے مٹا بھی کچھ

کچھ گنہ گار تو میں ہوں لیکن
ہے مخالف مرے ہوا بھی کچھ

ایک ذرہ بھی اے مرے مالک
ہے زمیں پر ترے بنا بھی کچھ

شہناز نور

Email
Facebook
WhatsApp

مزید شاعری

رباعیات

غزلیات
نظم