محبت کا جزیرہ دلنشیں ہے

Mohabat ka jazeera Dil Nasheen Hay

غزل99

محبت کا جزیرہ دلنشیں ہے
بتاؤں کیا تجھے کتنا حسیں ہے

ٹہلتی پھر رہی ہوں جب سے اس میں
ملا جو شخص وہ زہرہ جبیں ہے

جدھر دیکھوں ادھر رقصاں محبت
پریشانی مجھے کوئی نہیں ہے

ہے خوشبو بھینی بھینی اس نگر میں
محبت سے یہ مہکی سر زمیں ہے

چلا آئے یہاں ہے مشورہ یہ
کہیں پر گر کوئی قلبِ حزیں ہے

یہ میرا دل مرا ہم راز ہے تو
یہی نقاد بھی اور نکتہ چیں ہے

یہاں پر رہ کے کتنی خوش ہے انجم
یہاں پر زندگی سب کے قریں ہے

شہناز انجم

Shahnaz anjum