غزل
مرا بچھڑا رانجھن موڑ سجن
مجھے چاہ نہ کوئی اور سجن
میں نے اوڑھا رنگ سیاہ فقط
دئے کنگن چوڑی توڑ سجن
میں نے تجھ سے سچا عشق کیا
دی ساری دنیا چھوڑ سجن
تری یاد سے باہر نکلوں میں
مجھے آ کر یوں جھنجھوڑ سجن
میں ہر درگاہ پہ جاؤں گی
ہو سندھ ہو یا لاہور سجن
کوئی دھاگا تجھ سے جوڑے تو
منت کی باندھوں ڈور سجن
چل مجھ سے عشق دوبارہ کر
چل پھر سے ناتا جوڑ سجن
چل نام نہ دے اک شام ہی دے
مری بات پہ کر کچھ غور سجن
تو نے مانگا ہجر جدائی بس
کچھ مانگ کے تکتا اور سجن
مرا جرم محبت ہے سائیں
میں ہوں زندہ درگور سجن
تری دید مرا حج اکبر
ترا نام پڑھوں ہر پور سجن
تجھے میری بات کا مان نہیں
جا رہنے دے بس چھوڑ سجن
کیوں ہرجائی کو یاد کرے
چل چھوڑ کنولؔ بس چھوڑ سجن
کنول ملک