میں بھی ادھورا تم بھی ادھورے پاگل ہو
یعنی تم بھی پورے آدھے پاگل ہو
جتنی محبت تم رکھتے ہو آنکھوں میں
مجھ سے اتنا پیار کرو گے، پاگل ہو؟
یوں کانوں میں سرگوشی تم کرتے ہو
مجھ کو بھی پاگل کر دو گے، پاگل ہو؟
ہاتھ پکڑنے کو ہی پیار سمجھ بیٹھے؟
چھوڑو! تم تو اچھے خاصے پاگل ہو
میں دیوانی تیرے دیوانے پن کی
اتنے پاگل رہنا جتنے پاگل ہو
پیار میں پاگل پن کی اتنی جلدی کیا
رفتہ رفتہ ہوتے ہوتے پاگل ہو
اے عامر! لفظوں کے جادوگر، شاعر!
مجھ پاگل سے پیار کرو گے؟ پاگل ہو!
۔۔۔۔۔عامر امیر۔۔۔۔