ُسرحدِ خواب پر دشتِ امکان میں
شاخِ تخیل سر سبز ہونے لگی
نظم ہونے لگی
رات کے اُس پہر جونہی سوچا تمہیں
دھیرے دھیرے سے سپنوں میں کھونے لگی
نظم ہونے لگی بے
پناہ چاہتیں جو لٹاتی رہی
جو پڑی مشکلیں، مسکراتی رہی، ضبط بونے لگی
نظم ہونے لگی
غیر کے سنگ تھے رنگ ہی رنگ تھے
دیکھ کر یہ ادا تری سب دنگ تھے
بے رُخی سے تری سرخ رنگت مری زرد ہونے لگی
، نظم ہونے لگی
خواب میں بھی جدا جس کو سمجھا نہیں
میں چلی جب کبھی اُس نے روکا نہیں
مجھ کو ٹوکا نہیں اُس نے پوچھا نہیں
ہنستے ہنستے جو اکثر میں رونے لگی
نظم ہونے لگی
سنگ دل میں بہت وہ بھی بےرحم تھا
روک لیتا مجھے!
ناؤ چاہت کی جب میں ڈبونے لگی
نظم ہونے لگی
بےوجہ سی ہنسی رقص بےنام سے
اُس کی آنکھوں کا عکس سب نشاں پیار کے
اور اُس پہ انا، ناز بھی بےسبب
بوجھ یادوں کا پل پل میں ڈھونے لگی
نظم ہونے لگی
خود بھی حیران ہوں اک محبت کہ جو
منتظر کب سے تھی ایسے لمحات کی،
اشک برسات کی ہو نہ پائی تھی جو
ایک مدت تلک، آج ہونے لگی!!!!
نظم ہونے لگی
تاجورشکیل