loader image

MOJ E SUKHAN

اردو شعراء

06/08/2025 09:48

وصل بھی ہجر تھا وصال نہ تھا

وصل بھی ہجر تھا وصال نہ تھا
مل رہے تھے مگر خیال نہ تھا

مل رہے تھے کہ دونوں تنہا تھے
گفتگو میں بھی قیل و قال نہ تھا

میرے اور اس کے درمیان ابھی
کوئی بھی سلسلہ بحال نہ تھا

راستے ختم ہو چکے تھے مگر
واپسی کا کوئی سوال نہ تھا

یہ بھی اک مرحلہ تمام ہوا
ہو گئے تھے جدا ملال نہ تھا

وہ ترا حسن ہو کہ عشق مرا
کوئی پابند ماہ و سال نہ تھا

یشب تمنا

Email
Facebook
WhatsApp

مزید شاعری

رباعیات

غزلیات
نظم