پہلو میں اب تو کوئی غمزہ نہیں مچلتا
برسوں سے اس نگر میں سورج نہیں نکلتا
شبنم بھی اب چمن میں آنسو نہیں بہاتی
کیوں میری چشمِ نم کا عالم نہیں بدلتا
اس دن کو میں نے خارج سمجھا ہے زندگی سے
جس دن تماہرے غم میں سینہ نہیں پگھلتا
کیا ڈھونڈتے ہو میرے دامن کی وسعتوں میں
سوکھا ہوا سمندر گوہر نہیں اگلتا
یہ حوصلہ ہے میرا پیروں پہ میں کھڑا ہوں
ورنہ اکھڑنے والا پاؤں نہیں سنبھلتا
مجبور ہوکے تیری محفل میں آ گیا ہوں
تیرے بغیر دل کا بالک نہیں بہلتا
مجھ کو کہیں نہ ڈس لیں شب دیس کے اندھیرے
اس خوف سے میں اکثر گھر سے نہیں نکلتا
مشتاق خلیل