کچھ کام ہمیں ہجر سے نہ اب وصال سے – Kuch kaam hamain hijr se na ab wisal se

کچھ کام ہمیں ہجر سے نہ اب وصال سے
تم کو چرا لیا ہے تمہارے خیال سے

مجھ سے تو کہہ رہے ہو بھلا دو مجھے مگر
کیا تم نکل سکو گے محبت کے جال سے

پوچھا کبھی کہ زخم بھرے بھی ہیں یا نہیں
کیا کیا بنا لیا ہے درختوں کی چھال سے

بس ایک ہی دعا ہے کہ حبس دور ہو
مشرق سے آئے یا ہوا آئے شمال سے

شکوے گلے لئیے تو بہت دور آ گئے
تم بھی تھکن سے چور ہو ہم بھی نڈھال سے

آئرین فرحت