ہمارے من کو ہیں خدشات وقت نازک ہے

Hamaray man ko hain khadshaat waqt nazuk hay

غزل

ہمارے من کو ہیں خدشات وقت نازک ہے
کرو نہ دل کی کو ئی بات وقت نازک ہے

بدل گئے ہیں جی حالات وقت نازک ہے
نہ دل ہی اپنا نہ جزبات وقت نازک ہے

نہ مال اپنا سلامت نہ جان ہے صاحب
قدم قدم پہ ہیں خطرات وقت نازک ہے

پرائی آگ سے دامن بچائے رکھو میاں
کرو نہ اب کسی کی بات وقت نازک ہے

نہ دوستو کا پتہ اور نہ دشمنو کی سمجھ
مضر ہیں وصل کے لمحات وقت نازک ہے

ہے انگلی آپ کی گھی میں تو کیا کریں صاحب
ہمیں ہے فکرِ مقافات وقت نازک ہے

خدا ہی بگڑی بناتا ہے شازیہ سب کی
نہیں ہے اور کو ئی ذات وقت نازک ہے

شازیہ طارق

Shazia Tariq