یک طرفہ محبت
سنو اے چاند سی لڑکی
سنو پیاری سنو اے خوبرو لڑکی
سنو سادہ پری چہرہ
حسیں دلکش مجھے کچھ تم سے ہے کہنا
مجھے تم اچھی لگتی ہو
تخیل کے دریچوں میں
جو خوشبو رقص کرتی ہے
تمہاری ہی تو خوشبو ہے
تمہاری مسکراہٹ گفتگو آنکھیں حسیں چہرہ
تمہاری ریشمی شانوں پہ لہراتی حسیں زلفیں
تمہارا مسکرانا بولتی آنکھیں سنو لڑکی
مجھے بے چین رکھتی ہیں
مجھے بے تاب کرتی ہیں
تمہاری خواہشیں سوچیں
نہیں ہیں دسترس میں یہ
مگر پھر بھی مجھے معلوم ہے اتنا
میں تم سے پیار کرتا ہوں
میں یہ اقرار کرتا ہوں
سنو نازک حسیں لڑکی
مرے محور میں آجاؤ
اداسی کو فنا کردیں
محبت کو جلا دے کر
محبت کی کہانی کو
نیا ہم موڑ اک دے دیں
سنو اے خوبرو لڑکی
اگر ممکن نہیں ہے یہ
تو پھر اک کام کرتے ہیں
بھروسے کی حسیں یہ نیلگوں سی جھیل ہے جو
دکھائی دے رہی ہے
کنارے بن کے ہم دونوں
حسیں تر جھیل کے آؤ
ہمیشہ ساتھ رہتے ہیں
ہمیشہ ساتھ رہتے ہیں
ڈاکٹر سید محمد اقبال شاہ