ﺍﺗﻨﺎ ﺗﻮ ﺩﻭﺳﺘﯽ ﮐﺎ ﺻﻠﮧ ﺩﯾﺠﺌﮯ مجھے
ﺍﭘﻨﺎ ﺳﻤﺠﮫ ﮐﮯ ﺯﮨﺮ ﭘﻼ ﺩﯾﺠﺌﮯ ﻣﺠﮭﮯ
ﺍﭨﮭﮯ ﻧﮧ ﺗﺎ ﮐﮧ ﺁﭖ ﮐﯽ ﺟﺎﻧﺐ ﻧﻈﺮ ﮐﻮﺋﯽ
ﺟﺘﻨﯽ ﺑﮭﯽ ﺗﮩﻤﺘﯿﮟ ﮨﯿﮟ ﻟﮕﺎ ﺩﯾﺠﺌﮯ ﻣﺠﮭﮯ
ﮐﯿﻮﮞ ﺁﭖ ﮐﯽ ﺧﻮﺷﯽ ﮐﻮ ﻣﺮﺍ ﻏﻢ ﮐﺮﮮ ﺍﺩﺍﺱ
ﺍﮎ ﺗﻠﺦ ﺣﺎﺩﺛﮧ ﮨﻮﮞ ﺑﮭﻼ ﺩﯾﺠﺌﮯ ﻣﺠﮭﮯ
ﺻﺪﻕ ﻭ ﺻﻔﺎ ﻧﮯ ﻣﺠﮫ ﮐﻮ ﮐﯿﺎ ﮨﮯ ﺑﮩﺖ ﺧﺮﺍﺏ
ﻣﮑﺮ ﻭ ﺭﯾﺎ ﺿﺮﻭﺭ ﺳﮑﮭﺎ ﺩﯾﺠﺌﮯ ﻣﺠﮭﮯ
ﻣﯿﮟ ﺁﭖ ﮐﮯ ﻗﺮﯾﺐ ﮨﯽ ﮨﻮﺗﺎ ﮨﻮﮞ ﮨﺮ ﮔﮭﮍﯼ
ﻣﻮﻗﻊ ﮐﺒﮭﯽ ﭘﮍﮮ ﺗﻮ ﺻﺪﺍ ﺩﯾﺠﺌﮯ ﻣﺠﮭﮯ
ﮨﺮ ﭼﯿﺰ ﺩﺳﺘﯿﺎﺏ ﮨﮯ ﺑﺎﺯﺍﺭ ﻣﯿﮟ ﻋﺪﻡ
ﺟﮭﻮﭨﯽ ﺧﻮﺷﯽ ﺧﺮﯾﺪ ﮐﮯ ﻻ ﺩﯾﺠﺌﮯ ﻣﺠﮭﮯ
عبد الحمید عدم